Menningarauðlind ferðaþjónustunnar í beinu streymi frá Hofi á Akureyri

Menningarauðlind ferðaþjónustunnar fer fram í dag, 14. maí, í Hofi á Akureyri og stendur yfir allan daginn. Hægt er að fylgjast með ráðstefnunni í beinu streymi á netinu og taka þannig þátt óháð staðsetningu.

Rannsóknasetur skapandi greina stendur að ráðstefnunni í samstarfi við Rannsóknamiðstöð ferðamála og með stuðningi úr Hvata, sjóði menningar- og viðskiptaráðuneytisins. Ráðstefnan dregur saman fjölbreyttan hóp sérfræðinga, rannsakenda og aðila úr menningar- og ferðaþjónustugeiranum til að ræða hlutverk menningar í þróun ferðaþjónustu og mótun ferðamálastefnu til 2030.

Á dagskrá eru m.a. dæmisögur af vel heppnaðri menningarferðaþjónustu, fræðileg erindi og hópavinna þar sem þátttakendur móta framtíðarsýn og rannsóknastefnu á sviðinu.