Samtal um skapandi greinar
Samtal um skapandi greinar er röð óformlegra funda sem Rannsóknasetur skapandi greina stendur að í samvinnu við CCP. Með fundaröðinni vill RSSG skapa samræðuvettvang áhugafólks um skapandi greinar með því að tengja saman hagaðila í einkageiranum, akademíunni og frá stofnunum og stjórnsýslunni og efla þannig umræðuna um menningu og skapandi greinar.
Fimmtánda samtal - 7. maí 2026
Auglýsingar - fortíð, nútíð, framtíð
Rannsóknasetur skapandi greina (RSSG), í samstarfi við Samtök íslenskra auglýsingastofa (SÍA), Miðstöð hönnunar og arkitektúrs og CCP, býður í samtal um skapandi greinar fimmtudaginn 7. maí klukkan 8:30 –10:00 í húsakynnum CCP Í Grósku, 3. hæð, að Bjargargötu 1, 102 Reykjavík. Viðburðurinn er á dagskrá HönnunarMars 2026 og erindin verða einnig í beinu streymi.
Á samtalinu verður fjallað um hvernig auglýsingageirinn hefur þróast á undanförnum árum og þær áskoranir og tækifæri sem auglýsingastofur standa frammi fyrir, ekki síst í tengslum við nýja tækni. Hvað hefur breyst og hvernig mun auglýsingageirinn líta út eftir 10 ár?
DAGSKRÁ
8:30 Kaffi og spjall
8:40 Setning fundar
8:45 Erla María Árnadóttir, stefnustjóri sköpunar hjá Hvíta húsinu:
Um mismunandi tímamót í auglýsingageiranum síðasta áratuginn
9:00 Anna Kristín Kristjánsdóttir, formaður SÍA - Samtaka íslenskra auglýsingastofa:
Um tölfræðina og hvað hún segir okkur um stöðu auglýsinga í dag
9:15 Sigtryggur Magnason, forstöðumaður miðlunarsviðs hjá Samtökum atvinnulífsins:
Um sýn auglýsenda
9:30 Umræður - streymi lýkur
10:00 Fundarslit
Erindum verður streymt. Í kjölfar erinda lýkur streyminu og opnað verður fyrir umræður meðal fundargesta.
CCP býður fundargestum upp á kaffi og léttan morgunverð.
Vinsamlegast skráið mætingu HÉR.
Fjórtánda samtal - 8. apríl 2026
Skapandi ferli tölvuleikja
Þann 8. apríl stóð RSSG að samtali um tölvuleikjagerð sem skapandi grein, þar sem sjónum var beint að þeim fjölbreyttu og skapandi ferlum sem liggja að baki þróun leikja. Fjallað var um hvernig aðrar skapandi greinar og tæknileg vinna fléttast inn í ferlið og hvaða áskoranir og tækifæri fylgja því að starfa sem leikjahönnuður.
Fjórir fyrirlesarar úr tölvuleikjabransanum voru með erindi:
Steingerður Lóa Gunnarsdóttir, sjálfstætt starfandi leikjahönnuður og stundakennari við Háskólann í Reykjavík
Lóa er meðstofnandi sjálfstætt starfandi fyrirtækjanna Tasty Rook og Studio Wumpus og er með yfir 10 ára reynslu í leikjahönnun. Hún er með MFA-gráðu í leikjahönnun frá New York-háskóla og BA-gráðu í Skapandi skrifum frá Háskóla Íslands. Hún er einnig hluti af Isle of Games-teyminu, en markmiðið með honum er að kynna listræna leiki fyrir almenningi.
Halldór Snær Kristjánsson, framkvæmdastjóri, listrænn stjórnandi og meðstofnandi Myrkur Games
Halldór er framkvæmdastjóri og meðstofnandi Myrkur Games, þar sem hann leiðir þróun leikja og starfsemi fyrirtækisins. Hann gegnir jafnframt hlutverki stjórnarformanns Samtök leikjaframleiðenda á Íslandi (IGI), þar sem hann vinnur að því að efla íslenskan leikjaiðnað, styðja við vöxt hans og styrkja stöðu hans á alþjóðavettvangi.
María Guðmundsdóttir, framkvæmdastjóri og stofnandi Parity Games.
María, framkvæmdastjóri og stofnandi Parity Games, er með yfir 20 ára reynslu í tölvuleikjageiranum en hún vann hjá CCP og Novomatic Lottery Solutions áður en hún stofnaði Parity Games. Parity Games er núna að gefa út sinn fyrsta leik, Island of Winds, þar sem María hefur gegnt hlutverki listræns stjórnanda.
Joon Van Hove, sjálfstætt starfandi leikjahönnuður
Joon er sjálfstætt starfandi leikjahönnuður sem hefur starfað í bransanum frá árinu 2010. Áhersla hans hefur verið á nýskapandi og samvinnumiðaða leikjaupplifun. Hann var tæknistjóri á vinsæla rafíþróttaleiknum Q-UP (2025) ogPhantom Spark (2024) og hannaði og stýrði þróun hins verðlaunaða NUTS (2021), Don't Trip (2019) og Invert (2017). Hann hefur áður stýrt pallborðsumræðum og setið í ráðgjafarnefnd GDC, kennt leikjagerð við Háskólann í Reykjavík og er meðstofnandi viðburðanna Screenshake og Isle of Games.
Þrettánda samtal - 5. mars 2026
Hvað þarf að ræða?
[ENGLISH BELOW]
Fimmtudaginn 5. mars bauð RSSG til annars konar fundar innan fundaraðarinnar Samtal um skapandi greinar. Að þessu sinni voru engin formleg erindi eða pallborð. Í staðinn einblíndum við alfarið á opið samtal og að skapa rými þar sem þátttakendur gátu rætt bæði sín á milli og við okkur. Þátttakendur röðuðu sér við borð með tilheyrandi fyrirfram skilgreindum spurningum, en að öðru leyti var umræðan frjáls. Á einu borði fóru umræður fram á ensku og eitt borðanna var fjarborð en margir þátttakenda voru utan af landi.
Markmið fundarins voru að:
öðlast dýpri innsýn í stöðu og mögulega framtíð skapandi greina á Íslandi
greina spurningar sem vert er að rannsaka, ræða og þróa frekar
skapa opið samtalsrými fyrir fjölbreyttan hóp þátttakenda
—
What do we need to talk about?
On Thursday, 5 March, the Creative Industries Research Centre (RSSG) hosted a different kind of session within the Dialogue on Creative Industries series. This time, there were no formal presentations or panel discussions. Instead, we focused entirely on open dialogue and creating space for participants to talk with one another. Participants chose a table with a set of pre-defined questions, but otherwise the discussion was open. At one table the discussion took place in English, and one of the tables was held online, as many of the participants were located outside the capital area.
Our goals for the session were:
to gain deeper insight into the current state and future direction of the creative sector in Iceland
to identify questions that merit further research, dialogue and development
to create an open, equitable space for shared dialogue across a diverse group of participants
Tólfta samtal - 5. febrúar 2026
Er hægt að mæla samfélagsáhrif skapandi greina?
Er hægt að rýna í hvernig skapandi starfsemi mótar samfélagslegar breytingar og hvort þær séu mælanlegar? Hvernig getum við greint og metið áhrif skapandi greina á samfélagið og einstaklinga? Geta mælingar á samfélagsáhrifum skapandi greina varpað nýju ljósi á gildi þeirra í samtímanum? Geta aðferðir til mats á samfélagsáhrifum opnað fyrir nýja sýn á hlutverk skapandi greina?
RSSG, í samstarfi við CCP, Listaháskóla Íslands, Háskólann á Akureyri og Jafnréttisdaga, stóð fyrir samtali um mælingu á samfélagsáhrifum skapandi greina fimmtudaginn 5. febrúar.
Þorbjörg Daphne Hall, prófessor í tónlistarfræðum við LHÍ, flutti erindi um þær aðferðir sem notaðar eru í rannsóknarverkefninu Building Bridges Through Collaboration við að meta samfélagsáhrif. Verkefnið snýr að því að rannsaka samfélagsmiðuð tónlistarverkefni, aðferðir og áhrif þeirra á þátttakendur.
Lara Hoffmann, nýdoktor við HÍ og sérfræðingur við Rannsóknamiðstöð HA, kynnti þær aðferðir sem notaðar eru í samstarfsverkefni Rannsóknaseturs skapandi greina og LHÍ til að meta samfélagsáhrif skapandi greina. Verkefnið er tilraunaverkefni þar sem metin eru áhrif skapandi greina á einstaklinga og samfélög og byggist á eigindlegum viðtölum og megindlegri könnun.
Í kjölfarið stýrði Þorbjörg pallborði sem í sátu:
Hlynur Jónasson, verkefnastjóri Kúnstpásu
Martyna Karolina Daniel, verkefnastjóri aðgengis og samfélagslegrar þátttöku á Borgarbókasafni
Lara Hoffmann, nýdoktor við HÍ og sérfræðingur við Rannsóknamiðstöð HA
Ellefta samtal - 8. janúar 2026
Starfsumhverfi myndlistarmanna
Á fyrsta samtali annarinnar var fjallað um starfsumhverfi myndlistarmanna. Að þessu sinni var fundurinn haldinn í samstarfi við, auk CCP, Samband íslenskra myndlistarmanna (SÍM) og Myndlistarmiðstöð.
Emilia Telese, listamaður og fræðimaður, er höfundur skýrslu um lífsviðurværi myndlistarmanna sem hún vann að fyrir hönd SÍM. Skýrslan var birt í desember og var gerð í framhaldi af fyrri könnunum SÍM frá 2020. Á viðburðinum kynnti Emilia skýrsluna og niðurstöður hennar en þær draga upp skýra mynd af efnahagslegri óvissu, miklu vinnuálagi og kerfisbundnum hindrunum fyrir sjálfbærni. Þar má nefna að 75% myndlistarmanna verja vikulega 30-50 vinnustundum í listsköpun og umsýslu en aðeins 20% hafa sjálfbærar tekjur af vinnu sinni.
Í kjölfarið sagði Hlynur Hallsson frá sinni reynslu sinni en Hlynur er myndlistarmaður sem býr og starfar á Akureyri og í Berlín. Hann starfaði einnig sem safnstjóri Listasafnsins á Akureyri 2014-2024 og auk myndlistarinnar sinnir hann kennslu. Erindi Hlyns einkenndist af bjartsýni og lausnamiðuðum hugmyndum, en þó án þess að draga úr stærðargráðu þeirra áskorana sem myndlistarmenn standa frammi fyrir.
Fjölmennt var á viðburðinum og spurningar og vangaveltur fundargesta buðu um á líflegar umræður.
Tíunda samtal - 5. nóvember 2025
Rekstrarumhverfi tónlistar
Rannsóknasetur skapandi greina (RSSG) og Tónlistarmiðstöð í samstarfi við CCP, boðuðu til opins samtals á Bransaveislu um rekstrarumhverfi tónlistarfólks og tónlistarverkefna.
Erla Rún Guðmundsdóttir, forstöðukona RSSG, hélt erindi um hvað við í raun vitum um tónlistargeirann á Íslandi, út frá tölfræði og gögnum. María Rut Reynisdóttir, framkvæmdastjóri Tónlistarmiðstöðvar, talaði um muninn á tónlist og tónlistariðnaði, og hvað þarf til að skapa faglega umgjörð tónlistar.
Nick Knowles, umboðsmaður og stofnandi KxKn Management, stýrði pallborði sem í sátu:
Colm O’Herlihy, framkvæmdastjóri Inni Music
Guðbjörg Hlín Guðmundsdóttir, tónlistarkona og verkefnastjóri Reykjavík Early Music Festival
Pétur Oddbergur Heimisson, tónlistarmaður og framkvæmdastjóri Jazzhátíðar í Reykjavík
Rakel Mjöll Leifsdóttir, tónlistarkona og A&R hjá Alda Music
Í kjölfarið var opnað fyrir spurningar úr sal.
---
The Business Environment of Music
The Creative Industries Research Centre (CIRC) and Iceland Music, in collaboration with CCP, hosted an open discussion at Bransaveisla on the business environment for musicians and music projects in Iceland.
Erla Rún Guðmundsdóttir, Director of CIRC, talked about what we really know about the Icelandic business environment of music, in terms of statistics and data. María Rut Reynisdóttir, Director of Iceland Music, talked about the transitioning from music to music industry and what is needed to create a professional landscape in music.
Nick Knowles, Artist Manager and Founder of KxKn Management, moderated a panel discussion featuring the following participants:
Colm O’Herlihy, Managing Director, Inni Music
Guðbjörg Hlín Guðmundsdóttir, Artist and Project Manager, Reykjavík Early Music Festival
Pétur Oddbergur Heimisson, Artist and Managing Director, Reykjavík Jazz Festival
Rakel Mjöll Leifsdóttir, Artist and A&R at Alda Music
Following the panel discussion, we had a short Q&A session.
Níunda samtal - 2. október 2025
Listræn stjórnun
Níunda samtalið um skapandi greinar fór fram fimmtudaginn 2. október. Yfirskrift fundarins var Listræn stjórnun, með áherslu á viðburði og hátíðir. Erla Rún Guðmundsdóttir, forstöðukona RSSG, var fundarstjóri. Viðburðurinn fór fram á íslensku og erindum var streymt.
Áður en frummælendur hófu sínar kynningar fóru fram úthlutanir úr meistaranemasjóði RSG. Lesa má nánar um styrkveitinguna HÉR.
Lára Sóley Jóhannsdóttir, listrænn stjórnandi Listahátíðar í Reykjavík, fjallaði um starfsemi hátíðarinnar en Listahátíð í Reykjavík er þverfagleg listahátíð sem fer fram annað hvert ár. Lára Sóley veitti gestum innsýn í ýmsa anga hátíðarinnar og verkferlið sem býr henni að baki, svo sem hvað varðar opið kall, hlutverk dagskrárráðs, Eyrarrósina o.fl.
Pétur Ármannsson, framkvæmdastjóri og listrænn stjórnandi Reykjavík Dance Festival, fjallaði um danslistir á Íslandi almennt, þróun greinarinnar og hrakti þær hugmyndir um að dans sé ung listgrein. Hann sagði frá þeim áherslum sem eru ríkjandi í listrænni stjórnun hátíðarinnar, svo sem hvað varðar fjölbreytileika, aðgengi og grasrótina. Pétur varpaði ljósi á jaðarsetningu danslista á Íslandi og hversu takmarkaður fjárhagslegur stuðningur hins opinbera er.
Guja Sandholt er söngkona og listrænn stjórnandi Óperudaga. Hún skýrði frá tilurð hátíðarinnar sem hún stofnaði í samtali við Kópavogsbæ árið 2016. Hátíðin hefur skapað tækifæri til að kanna nýjar söngslóðir á Íslandi og um leið mynda þéttan kjarna af fólki með svipaðar ástríður og markmið. Skortur á fjármagni og stöðugt óvissustand er meðal helstu áskorana sem gerir skipuleggjendum hátíðarinnar erfitt fyrir.
Áttunda samtal - 4. september 2025
Gagnrýni
Áttunda samtal um skapandi greinar fór fram fimmtudaginn 4. september. Yfirskrift fundarins að þessu sinni var Gagnrýni og fundarstjóri var Steinunn Hauksdóttir, verkefnastjóri hjá RSSG. Viðburðurinn fór fram á ensku.
Hilmar Smári Finsen, markaðssérfæðingur hjá CCP og fyrrum leikjagagnrýnandi fjallaði um stöðu tölvuleikjagagnrýni með áherslu á hvernig vefsvæði, eins og Metacritic og OpenCritic, og notendur hafa áhrif á upplifun og sölu. Þar að auki ræddi hann hlutverk áhrifavalda á þessu sviði.
Sigríður Jónsdóttir, leikhúsgagnrýnandi og sérfræðingur við Leikminjasafn, sérsafn um sviðslistir á Landsbókasafni Íslands – Háskólabókasafn, fjallaði um mikilvægi faglegrar gagnrýni, framtíð leikhúsgagnrýni og þær nýju áskoranir sem leikhúsgagnrýnendur standa frammi fyrir.
Eliza Reid er metsöluhöfundur, fyrirlesari, talskona jafnréttis, meðstofnandi hinnar virtu Iceland Writers Retreat og fyrrverandi forsetafrú Íslands. Hún sagði gestum frá reynslu sinni og afstöðu til bókmenntagagnrýni og þeim áhrifum sem hún hefur á verk hennar.
Sjöunda samtal - 8. maí 2025
Hreyfiafl skapandi og skáldlegra framtíðarsýna
Fimmtudaginn 8. maí fór fram sjöunda samtalið um skapandi greinar. Yfirskrift fundarins að þessu sinni er Hreyfiafl skapandi og skáldlegra framtíðarsýna.
Geta skapandi og skáldlega framtíðarsýnir verið hreyfiafl í samtímanum? Er hægt að rýna í hvernig hið skáldlega getur víkkað sjóndeildarhring mögulegra framtíða? Geta skapandi nálganir og spekúlasjónir opnað fyrir fjölbreytta möguleika og stuðlað að umbreytingum?
Bergsveinn Þórsson, dósent við Háskólann á Bifröst og fagstjóri opinberrar stjórnsýslu, kynnti sýninguna Beyond Barcode sem hann vann að í samstarfi við rannsóknarverkefnið CoFutures: Pathways to possible presents við Oslóarháskóla og Interkulturelt Museum í Osló.
Dögg Sigmarsdóttir, verkefnastjóri, talaði um aðferðafræði samsköpunar og hvernig hægt sé að móta samfélagsrými sem stuðla að framtíðarvon, sjálfbærni og velsæld.
Þorgerður Ólafsdóttir, myndlistarmaður, sagði frá listrannsókn sinni og sýningarverkefni Brot úr framtíð sem opnaði í Bogasal Þjóðminjasafnsins á Listahátíð í Reykjavík sumarið 2024 og lauk með málþinginu Samtal um hamfarir í nóvember sama ár.
Aukasamtal - 9. apríl 2025
Hörpu-áhrifin
Rannsóknasetur skapandi greina (RSSG) í samstarfi við Hörpu stóð fyrir viðburði miðvikudaginn 9. apríl um Hörpu-áhrifin, skýrslu um hagræn áhrif Hörpu tónlistar- og ráðstefnuhúss en haustið 2024 samdi Harpa við RSSG um framkvæmd skýrslunnar. Viðburðurinn fór fram í Kaldalóni í Hörpu og Ágúst Ólafur Ágústsson, hagfræðingur og höfundur skýrslunnar, kynnti hana. Svanhildur Konráðsdóttir, forstjóri Hörpu, og Erla Rún Guðmundsdóttir, forstöðukona RSG, komu einnig fram og svöruðu spurningum úr sal ásamt Ágústi. Anna Hildur Hildibrandsdóttir stýrði umræðum.
Samtal um Hörpu-áhrifin var aukaviðburður í samtalsröðinni um skapandi greinar.
Sjötta samtal - 3. apríl 2025
Hönnunarhugsun
Sjötta samtal um skapandi greinar fór fram 3. apríl þar sem fjallað var um hönnunarhugsun. Samtalið var hluti af dagskrá HönnunarMars og fór fram á ensku að þessu sinni.
Michael Hendrix, hönnuður og tónlistarmaður, var með erindi um hönnunarhugsun en með þeirri aðferðafræði má betur greina ný tækifæri og mæta þörfum fólks á sama tíma og virði fyrir stofnanir og fyrirtæki eykst. Michael talaði um reynslu sína sem hönnuður og hvernig styrkja megi hönnunarhugsun á Íslandi.
Hönnunarteymið ÞYKJÓ sagði frá verkefninu Börnin að borðinu, þar sem hönnunarhugsun er beitt. Fyrir verkefnið hlaut Þykjó hönnunarverðlaun Íslands árið 2024 í flokknum verk ársins. Sigríður Sunna Reynisdóttir, stofnandi og listrænn stjórnandi ÞYKJÓ, og Embla Vigfúsdóttir, leikjahönnuður og vöruhönnuður hjá ÞYKJÓ, fluttu erindið fyrir hönd teymisins.
Í kjölfar erinda fóru fram umræður í sal.
---------
On Thursday, April 3rd, the sixth dialogue took place, focusing on design thinking. The dialogue is a part of the DesignMarch program and was held in English.
Michael Hendrix, creative director and musician, gave a presentation on design thinking, a transformative methodology that uses creative mindsets to identify new opportunities that address human needs while also building value for organizations. Michael talked about his experience in the field of design and how it can be strengthened in Iceland.
ÞYKJÓ, an Icelandic design collective, presented their project Children to the Table (Börnin að borðinu), where design thinking is applied. Sigríður Sunna Reynisdóttir, founder and artistic director of ÞYKJÓ, and Embla Vigfúsdóttir, game designer and product designer at ÞYKJÓ presented their work on behalf of their team.
After the presentations, guests participated in a dialogue on the topic.
Fimmta samtal - 6. mars 2025
Að vaxa skapandi
Fimmta samtal um skapandi greinar var haldið fimmtudaginn 6. mars síðastliðinn. Yfirskrift fundarins var Að vaxa skapandi: vöxtur og samdráttur fyrirtækja í skapandi greinum. Á fundinum ræddu Margrét Sigrún Sigurðardóttir, prófessor í viðskiptafræði við Háskóla Íslands, Hjálmar Gíslason frumkvöðull í hugbúnaðargeiranum, og Birna Hafstein formaður Félags íslenskra listamanna í sviðslistum og kvikmyndum saman um rekstur fyrirtækja í skapandi greinum og stöðu þeirra sem þar starfa, en fyrirtækin einkennast gjarnan af óvissri eftirspurn og harmonikku-vexti, þar sem þau vaxa og minnka eftir aðstæðum.
Fjórða samtal - 11. febrúar 2025
Nýsköpun á sviði tónlistar
Fjóða samtal um skapandi greinar var haldið þriðjudaginn 11. febrúar 2025. Yfirskrift fundarins að þessu sinni var Nýsköpun á sviði tónlistar. Á fundinum kynntu þrír fumkvöðlar fyrirtæki sín sem öll starfa á svið tónlistar.
Ólafur Bjarki Bogason stofnandi og framkvæmdastjóri Genki, hönnunar- og tæknifyrirtæki frá Reykjavík með áherslu á tónlist. sagði frá fyrirtækinu og vegferð þess fram til dagsins í dag.
Margrét Júlíana Sigurðardóttir stofnandi og framkvæmdastjóri fyrirtækisins Moombix, sagði frá fyrirtækinu sem býður upp á kennslurými og markaðstorg fyrir lifandi tónlistarkennslu á netinu.
Pétur Eggerz, tæknistjóri og meðstofnandi framkvæmdastjóri Overtune, sagði frá nýsköpunarfyrirtækinu sem starfar á sviði tónlistarsköpunar.
Í kjölfar erinda voru opnar umræður meðal fundargesta sem Anna Hildur Hildibrandsdóttir stýrði.
Þriðja samtal - 9. janúar 2025
Skapandi aðferðafræði
Á fundinum talaði Bergur Finnbogason, listrænn stjórnandi hjá CCP, um samstarf CCP við ýmsar alþjóðlegar rannsóknastofnanir og hvernig aðferðir leikjageirans höfðu nýst þeim. Viðar Halldórsson, prófessor í félagsfræði við Háskóla Íslands, fjallaði um mikilvægi félagslegs andrúmslofts, í formi félagslegra töfra, sem hann hafði greint með sjónrænni félagsfræði í bók sinni Sjáum samfélagið. Katrín Ólína Pétursdóttir, hönnuður og forseti hönnunardeildar LHÍ, fjallaði um verkefnið Primitiva, rannsóknarverkefni í skartgripahönnun sem sameinar skapandi hugsun og stafræna tækni. Hún sagði frá því hvernig tilraunir og frásagnarlist í mismunandi miðlum á ferli hennar höfðu átt þátt í að móta skartgripalínu hennar.
Í kjölfar erinda stórnaði Anna Hildur Hildibrandsdóttir umræðum.
---
Bergur Finnbogason, artistic director at CCP, talked about CCP's collaboration with various international research institutions and how methods from the gaming industry had benefited them. Viðar Halldórsson, sociology professor at the University of Iceland, focused on the importance of social atmosphere, in the form of social magic, which he had analyzed through visual sociology in his book Unveiling the Invisible. Katrín Ólína Pétursdóttir, designer and Head of the Design Department at IUA, explored the evolution of Primitiva, a jewellery design project that blended creativity and machine precision, and shared how years of experimentation and storytelling had shaped her symbolic jewellery collection.
After the presentation discussion was lead by Anna Hildur Hildibrandsdóttir
Annað samtal - 6. nóvember 2024
Sköpunarkrafturinn
Þann 6. nóvember var haldinn öflugur kosningafundur í stora salnum í Grósku um málefni skapandi greina. Fulltrúar allra framboða til alþingiskosninga tóku þátt og sköpuðust líflegar umræður fyrir fullum sal áhugasamra gesta. Ágúst Ólafur Ágústsson hagfræðingur var kynnir og stýrði umræðum.
Hér að neðan má sjá upptöku af fundinum.
Á fundinum var sýnt myndband sem RSSG lét framleiða með upplýsingum úr skýrslu Ágústs Ólafs Ágústssonar um framlag skapandi greina til verðmætasköpunar á Íslandi. Myndbandið vakti verðskuldaða athygli og er gott inlegg í umræður í aðdraganda kosninga.
Hér má lesa ítarlega samantekt á fundinum.
Að fundinum stóðu Rannsóknasetur í skapandi greinum, Samtök skapandi greina, Miðstöð íslenskra bókmennta, Miðstöð hönnunar og arktitektúrs, Myndlistarmiðstöð, Kvikmyndamiðstöð, Sviðslistamiðstöð, Tónlistarmiðstöð í samstarfi við CCP, Brandenburg, Vísindagarða og Grósku.
Fyrsta samtal - 16. október 2024
Verðmætasköpun skapandi greina
Ágúst Ólafur Ágústsson sagði frá nýútkominni skýrslu um framlag menningar og skapandi greina til verðmætasköpunar á Íslandi sem hann vann fyrir menningar- og viðskiptaráðuneytið. Að erindinu loknu tóku fundargestir þátt í umræðum.